திருநெல்வேலி, மார்ச் 26:
226 பாளையங்கோட்டை சட்டமன்ற தொகுதி தேர்தலை முன்னிட்டு, தேர்தல் நடத்தும் அலுவலரும் மாநகராட்சி ஆணையாளருமான மருத்துவர் மோனிகா ராணா, இ.ஆ.ப., அவர்கள் தலைமையில் இன்று (26.03.2026) மாநகராட்சி மைய அலுவலக கூட்ட அரங்கில் முக்கிய ஆலோசனை கூட்டம் நடைபெற்றது.
இந்த கூட்டத்தில் அனைத்து அரசியல் கட்சிகளின் முகவர்கள் மற்றும் பிரதிநிதிகள் பங்கேற்றனர். வேட்பு மனு தாக்கல் செய்வது தொடர்பான நடைமுறைகள், தேவையான ஆவணங்கள், காலக்கெடு, மற்றும் தேர்தல் விதிமுறைகள் குறித்து விரிவாக விளக்கங்கள் வழங்கப்பட்டன.
மேலும், தேர்தல் ஆணையத்தின் வழிகாட்டுதல்களை கடைப்பிடித்து சீரிய மற்றும் சுதந்திரமான தேர்தலை நடத்துவதற்கான ஒத்துழைப்பை வழங்குமாறு அதிகாரிகள் கேட்டுக் கொண்டனர்.
இந்த ஆலோசனை கூட்டம் தேர்தல் பணிகள் சுமுகமாக நடைபெற முக்கியத்துவம் வாய்ந்ததாக அமைந்தது.
