பாளையங்கோட்டை: பாளையங்கோட்டை சீவலப்பேரி ரோட்டில் உள்ள சத்யசாய் மெட்ரிகுலேஷன் பள்ளியில் நடைபெற்ற 80-வது சுதந்திர தின விழா, மாணவ-மாணவிகளின் கலைநிகழ்ச்சிகள் மற்றும் மாறுவேடப் போட்டிகளுடன் சிறப்பாக நடைபெற்றது.

விழாவில் பள்ளி மாணவர்கள் பல்வேறு தேசியத் தலைவர்கள் மற்றும் சுதந்திரப் போராட்ட வீரர்களின் வேடங்களை அணிந்து கலந்து கொண்டு தங்களது திறமைகளை வெளிப்படுத்தினர். இதில், யு.கே.ஜி. படிக்கும் டிவன்யா சந்தனராஜ் என்ற சிறுமி, வீரமங்கை வேலுநாச்சியார் வேடம் அணிந்து கலந்து கொண்டு அனைவரது கவனத்தையும் ஈர்த்தார்.

வேலுநாச்சியாரின் வீரத்தையும், நாட்டுப்பற்றையும் பிரதிபலிக்கும் வகையில் வேடமணிந்து வந்த சிறுமி டிவன்யா சந்தனராஜின் தோற்றம், பள்ளி ஆசிரியர்கள், மாணவர்கள் மற்றும் பெற்றோர்களிடையே பெரும் வரவேற்பைப் பெற்றது. சிறு வயதிலேயே சுதந்திரப் போராட்ட வரலாற்றையும் வீரமங்கைகளின் பெருமையையும் குழந்தைகளுக்கு எடுத்துச் செல்லும் வகையில் இந்த மாறுவேட நிகழ்ச்சி அமைந்திருந்தது.

விழா நிறைவடைந்த பின்னர், பாளையங்கோட்டை 8-வது வார்டில் தி.மு.க. பிரமுகரும், சமூக சேவகருமான டாக்டர் ரா. ஞானசோமராஜ் ஏற்பாட்டில், வேலுநாச்சியார் வேடமணிந்த டிவன்யா சந்தனராஜ் சமாதானபுரம் சி.ஐ.டி.யு. ஆட்டோ சங்கத்திற்கு அழைத்துச் செல்லப்பட்டார்.

அங்கு தனது இந்திய உறவுகளுடன் இணைந்து சுதந்திர தினத்தை உற்சாகமாகக் கொண்டாடிய சிறுமி, அனைவருக்கும் கேக் வழங்கி மகிழ்ச்சியைப் பகிர்ந்து கொண்டார். வேலுநாச்சியார் வேடத்தில் சிறுமி கேக் வழங்கிய காட்சி அங்கிருந்தவர்களிடையே நெகிழ்ச்சியையும் மகிழ்ச்சியையும் ஏற்படுத்தியது.

சிறுமியின் இந்த முயற்சி மூலம், சுதந்திர தினத்தின் முக்கியத்துவம், நாட்டிற்காக பாடுபட்ட சுதந்திரப் போராட்ட வீரர்களின் தியாகம் மற்றும் வீரமங்கைகளின் வரலாறு ஆகியவை குழந்தைகள் மத்தியில் எடுத்துச் செல்லப்பட்டன.

இந்த நிகழ்வின்போது சிறுமியின் தந்தை சந்தனராஜ் மற்றும் அவரது பெரியப்பாவும், பாளையங்கோட்டை 8-வது வார்டு தி.மு.க. பிரமுகரும் சமூக சேவகருமான டாக்டர் ரா. ஞானசோமராஜ் ஆகியோர் உடனிருந்தனர்.

சிறுமியின் வேலுநாச்சியார் வேடமும், சுதந்திர தினத்தை முன்னிட்டு பொதுமக்களுடன் கேக் வழங்கி கொண்டாடிய நிகழ்வும் அப்பகுதி மக்களிடையே பாராட்டைப் பெற்றது.