சேரன்மகாதேவி, ஜூன் 19:
திருநெல்வேலி மாவட்டம் சேரன்மகாதேவியில் நவீன வசதிகளுடன் கூடிய “ஈஷா ஃபிட்னஸ் எம்பயர்” (ESHA Fitness Empire) என்ற புதிய உடற்பயிற்சி மையம் பொதுமக்கள் பயன்பாட்டிற்காக திறந்து வைக்கப்பட்டது.
சேரன்மகாதேவியில் உள்ள ஸ்காட் பொறியியல் கல்லூரி அருகே அமைந்துள்ள ஆல்பர்ட் காம்ப்ளெக்ஸ் இரண்டாவது தளத்தில் செயல்பட்டு வரும் இந்த யூனிசெக்ஸ் உடற்பயிற்சி மையத்தை, சேரன்மகாதேவி காவல் துணைக் கண்காணிப்பாளர் (டி.எஸ்.பி.) பொறுப்பு வகிக்கும் அதிகாரி ரிப்பன் வெட்டி திறந்து வைத்தார்.
நிகழ்ச்சியில் திருநெல்வேலி பவர் லிப்டிங் அசோசியேஷன் செயலாளர் சண்முகசுந்தரம், வீரவநல்லூர் உடற்பயிற்சி மைய உரிமையாளர் மாரி, பாளையங்கோட்டை ரெகுலர் தாசில்தார் இசைவாணி, டி.எஸ்.ஓ. பிரேமா உள்ளிட்டோர் சிறப்பு விருந்தினர்களாக கலந்து கொண்டனர். மேலும், பொதுமக்கள் மற்றும் உடற்பயிற்சி ஆர்வலர்கள் ஏராளமானோர் பங்கேற்றனர்.
உடல்நலம் மற்றும் ஆரோக்கியமான வாழ்க்கை முறையை ஊக்குவிக்கும் நோக்கில் தொடங்கப்பட்டுள்ள இந்த மையத்தில், நவீன உடற்பயிற்சி உபகரணங்கள், அனுபவமிக்க பயிற்சியாளர்கள் மற்றும் தனிப்பட்ட ஊட்டச்சத்து ஆலோசனைகள் வழங்கப்படுகின்றன.
மேலும், உடல் எடையைக் கட்டுப்படுத்துதல், தசை வளர்ச்சி, உடல் தகுதி மேம்பாடு மற்றும் ஆரோக்கியமான வாழ்க்கை முறையை உருவாக்குவதற்கான சிறப்பு பயிற்சி திட்டங்களும் அறிமுகப்படுத்தப்பட்டுள்ளன.
“வலிமையை உருவாக்குங்கள்… தன்னம்பிக்கையை வளர்த்துக்கொள்ளுங்கள்… சிறந்த உங்களை உருவாக்குங்கள்” என்ற முழக்கத்துடன் செயல்பட்டு வரும் இந்த மையம், இளைஞர்கள் மற்றும் பொதுமக்களிடையே உடற்பயிற்சியின் அவசியத்தை வலியுறுத்தும் வகையில் அமைந்துள்ளது.
மேலும் தகவல் பெறவும், உறுப்பினராக சேரவும் விரும்புவோர் 82480 61916 என்ற தொலைபேசி எண்ணை தொடர்புகொள்ளலாம்.
