தமிழ்நாடு பத்திரிக்கையாளர்கள் கூட்டமைப்பு சார்பில் “சிறந்தோர் விருது–2026” — நாடாளுமன்ற உறுப்பினர் சச்சிதானந்தன் வழங்கினார்

சேரன்மகாதேவி:
தமிழ்நாடு பத்திரிக்கையாளர்கள் கூட்டமைப்பு சார்பாக, நகரவாசி மாத இதழ் வழங்கும் “சிறந்தோர் விருது–2026” வழங்கும் விழா நடைபெற்றது. இதில் பல்வேறு துறைகளில் சிறப்பாக பணியாற்றி வரும் சாதனையாளர்களுக்கு விருதுகள் வழங்கி கவுரவிக்கப்பட்டனர்.

இதன் ஒரு பகுதியாக, சிறந்த ஓட்டுநருக்கான விருது திருநெல்வேலி அரசு போக்குவரத்துக் கழகத்தின் சேரன்மகாதேவி பணிமனையில் ஓட்டுநராக பணியாற்றி வரும் இரா. பழனிக்கு வழங்கப்பட்டது.

பொதுமக்களின் பாதுகாப்பை கருத்தில் கொண்டு பேருந்துகளை பொறுப்புடனும், கவனத்துடனும் இயக்கி வரும் ஓட்டுநர் இரா. பழனியின் சிறப்பான பணியை பாராட்டி இந்த விருது வழங்கப்பட்டது.

விழாவில் திண்டுக்கல் நாடாளுமன்ற உறுப்பினர் திருமிகு. R. சச்சிதானந்தன் கலந்து கொண்டு, ஓட்டுநர் இரா. பழனிக்கு பதக்கம் அணிவித்து, சால்வை அணிவித்து, “சிறந்தோர் விருது–2026” விருதினை வழங்கி கவுரவித்தார்.

பொதுமக்களின் அன்றாடப் பயணத்தில் அரசு பேருந்து ஓட்டுநர்களின் பணி மிகவும் முக்கியமானதாகும். குறிப்பாக, பயணிகளின் பாதுகாப்பு, நேரம் தவறாமல் பேருந்துகளை இயக்குதல், சாலை விதிகளை கடைப்பிடித்தல் உள்ளிட்ட பணிகளில் சிறப்பாக செயல்பட்டு வரும் ஓட்டுநர்களை ஊக்கப்படுத்தும் வகையில் இதுபோன்ற விருதுகள் வழங்கப்படுவது பாராட்டுக்குரியது.

விருது பெற்ற ஓட்டுநர் இரா. பழனிக்கு சக ஊழியர்கள், போக்குவரத்துக் கழக பணியாளர்கள் மற்றும் பொதுமக்கள் உள்ளிட்டோர் வாழ்த்துக்களை தெரிவித்தனர்.