நீலகிரி மாவட்டத்தில் தொடர்ந்து பெய்து வரும் கனமழை காரணமாக 6 தாலுகாக்களில் உள்ள பள்ளிகளுக்கு இன்று (அக்டோபர் 24-ந் தேதி) விடுமுறை அறிவிக்கப்பட்டுள்ளது.
தமிழகத்தில் வடகிழக்குப் பருவமழை தீவிரமடைந்துள்ள நிலையில், நீலகிரி மாவட்டத்தின் பல்வேறு பகுதிகளில் கனமழை பெய்து வருகிறது.
இந்த நிலையில், மாணவர்களின் பாதுகாப்பைக் கருத்தில் கொண்டு நீலகிரி மாவட்டத்தில் உள்ள 6 தாலுகாக்களில் செயல்படும் பள்ளிகளுக்கு இன்று விடுமுறை அறிவிக்கப்பட்டுள்ளது.
மழை தொடர்ந்து பெய்து வருவதால் பொதுமக்கள் பாதுகாப்பாக இருக்கவும், மலைப்பகுதிகளில் பயணம் மேற்கொள்பவர்கள் எச்சரிக்கையுடன் செல்லவும் அறிவுறுத்தப்படுகின்றனர்.
