கோவை மாவட்டம் வடிவேலம்பாளையத்தைச் சேர்ந்த 85 வயதான கமலாத்தாள் பாட்டி, கடந்த பல ஆண்டுகளாகத் தான் வசிக்கும் பகுதியில் வாழும் ஏழை எளிய மக்கள் மற்றும் மாணவர்கள் பயனடையும் வகையில் ஒரு ரூபாய்க்கு இட்லி செய்து விற்பனை செய்து வந்தார். அவரது இந்தச் சேவை அப்பகுதி மக்களிடையே பெரும் வரவேற்பைப் பெற்றது. அவரது சேவையைப்பாராட்டி பல்வேறு முன்னணி நிறுவனங்களும் அவருக்கு உதவிகளைச் செய்து வந்தன.
இந்நிலையில் அவருக்கு மாதத்திற்கு இரண்டு இலவச கேஸ் சிலிண்டர்கள் வழங்கப்பட்டு வந்த நிலையில், திடீரென அவை நிறுத்தப்பட்டுள்ளன. இதுகுறித்து கோவை மாவட்ட ஆட்சியர் அலுவலகத்திற்கு நேரில் வந்த கமலாத்தாள் பாட்டி, ஆட்சியரிடம் மனு ஒன்றை அளித்துள்ளார்.
