தமிழக வெற்றி கழகம் சார்பில் இராமசாமி திருக்கோவிலில் சிறப்பு அர்ச்சனை – ஆஞ்சநேயர் சன்னதியில் வடைமாலை சாத்தி வழிபாடு; பக்தர்களுக்கு பிரசாதம் வழங்கப்பட்டது
சேரன்மகாதேவி, ஜூலை 18:
தமிழக வெற்றி கழக பொதுச் செயலாளரும், தமிழ்நாடு ஊரக வளர்ச்சித் துறை மற்றும் நீர்வளத்துறை அமைச்சருமான மாண்புமிகு என். ஆனந்த் அவர்களின் பிறந்தநாளை முன்னிட்டு, திருநெல்வேலி கிழக்கு மாவட்ட தமிழக வெற்றி கழகம் சார்பில் சேரன்மகாதேவியில் சிறப்பு வழிபாட்டு நிகழ்ச்சிகள் நடைபெற்றன.
தமிழக முதலமைச்சர் ச. ஜோசப் விஜய் அவர்களின் ஆசியுடன் நடைபெற்ற இந்த நிகழ்ச்சியில், சேரன்மகாதேவியில் உள்ள பழமை வாய்ந்த இராமசாமி திருக்கோவிலில் அமைச்சர் என். ஆனந்த் அவர்கள் நீண்ட ஆயுளும், நல்ல ஆரோக்கியமும் பெற்று மக்கள் நலப் பணிகளை தொடர்ந்து சிறப்பாக மேற்கொள்ள வேண்டி சிறப்பு அர்ச்சனை மற்றும் பூஜைகள் நடைபெற்றன.
தொடர்ந்து, ஆஞ்சநேயர் சன்னதியில் வடைமாலை சாத்தி சிறப்பு வழிபாடு நடத்தப்பட்டு, தமிழகத்தின் வளர்ச்சிக்கும், பொதுமக்களின் நலனுக்கும் பிரார்த்தனை செய்யப்பட்டது.
இந்த நிகழ்ச்சிக்கான அனைத்து ஏற்பாடுகளையும் தமிழக வெற்றி கழகத்தின் திருநெல்வேலி கிழக்கு மாவட்ட நிர்வாகி சேரை பி. மாரியப்பன் சிறப்பாக செய்திருந்தார். இதில் கட்சி நிர்வாகிகள், தொண்டர்கள், பக்தர்கள் மற்றும் பொதுமக்கள் திரளாக கலந்து கொண்டு வழிபாட்டில் பங்கேற்றனர்.
நிகழ்ச்சியின் நிறைவில், கோவிலுக்கு வருகை தந்த அனைவருக்கும் பிரசாதம் வழங்கப்பட்டது. அமைச்சர் என். ஆனந்த் அவர்களின் பிறந்தநாளை முன்னிட்டு நடைபெற்ற இந்த ஆன்மிக நிகழ்ச்சி பக்தி நிறைந்த சூழலில் சிறப்பாக நடைபெற்றது.
